نیشانەكانی توشبوون بە هەوكردنی جومگە و ڕۆماتیزم
 به‌روار‌  : 12-10-2018
 بینراوه‌  : 1252

ئا/ ناز
 
لەسەرەتای توشبوون بە ڕۆماتیزمدا ئاسان نی یە بناسرێتەوە , چونكە نیشانەكانی تێكەڵن یاخود لە نیشانەی هەندێك نەخۆشی تر دەچن. بەڵام بە گشتی چەند نیشانەیەك هەن كە لەگەڵا زیادبونیشیاندا ئاماژەن بۆ بوونی ڕۆماتیزم. لەوانەش:
 
1. بوونی ئازار لە جومگەدا: دروستبوونی ئازار لە جومگەكاندا نیشانەی بوونی هەوكردنە , وە ئەگەر ئازارەكە هەر بەردەوام بوو لە دوای چارەسەركردن و نەمانی هەوكردنەكەش ئەوە مانای وایە جومگەكە زیانی پێگەیشتوە.
2. ماندووی: یەكێك لە نیشانە زۆر باوەكانی ڕۆماتیزم هەستكردنە بە ماندووی و بێتاقەتی , بەتایبەتی ئەگەر هەوكردنەكە چالاك بێت.
3. نەرمبوونی جومگە: هەندێكجار بە هۆكاری ڕودانی هەوكردن لە ڕوپۆشی جومگەكاندا, بە دەستلێدان هەست بە نەرمبوونی جومگەكە دەكرێت.
4. ئاوسانی جومگە: یەكێك لە نیشانە دیارەكانی توشبون بە ڕۆماتیزم ئاوسانی جومگەیە, بەڵام لە هەندێك حاڵەتی سەرەتادا بە ئاسانی هەست بە ئاوسانەكە ناكرێت. وە لە هەندێك جاری تردا زۆر بە ڕوونی ئاوسانەكە هەستی پێدەكرێت.
5. سووربوونەوەی جومگە: لە هەندێك حاڵەتی ڕۆماتیزمدا جومگەكە توشی سووربوونەوە دەبێت بە هۆی كۆبوونەوەی موولولەدەمارەكانی خوێنەوە لە دەوری جومگەكە.
6. گەرمبوونی جومگە: یەكێك لە نیشانە دیارەكانی تری ڕۆماتیزم گەرمبوونی جومگەكەیە , كە ئەمە ئاماژەیەك بۆ بوونی هەوكردنی چالاك , وە هەندێكجار پزیشك هەست بە گەرمبوونەكە دەكات بە بێ‌ بوونی سووربوونەوەو ئاوسانی جومگەكەش. 
7. ڕەقبوونی جومگە: بونی هەوكردنی زۆر دەبێتە هۆكاری ڕەقبوونی جومگەكان بەتایبەتیش لە بەیانیاندا.
8. نەتوانینی جوڵاندنی جومگە: ڕودانی هەوكردن دەبێتە هۆی ئەوەی جومگەكە لە ناكاو لە جوڵە بوەستیێت , و كەسەكە توانی ئەوەی نابێت جومگەكەی بجوڵێنێت . وە بەردەوام بوونی هەوكردن و چارەسەرنەكردنی وادەكات جومگەكە بۆ هەمیشە توانای جوڵەی نەمێنێت.
9. لەدەستدانی توانای كاركردن: بەردەوامی  حاڵەتەكە  دەبێتە هۆكاری ئەوەی كە جومگەكە سورببێتەو و توشی ئاوسان و ئازاری زۆر و بەردەوام ببێت , ئەمانەش وا دەكەن جومگەكە توانی ئەنجامدانی كار و ئەركەكانی نەبێت .
10. كەمخوێنی: توشبوون بە ڕۆماتیزم بۆماوەی درێژخایان دەبێتە هۆكار بۆ كەمكردنەوەی توانای مۆخی ئێسك بۆ دروستكردنی خرۆكەسورەكانی خوێن, بەمەش ئەگەری توشبوون بە كەمخوێنی ڕوودەدات.
11. توشبوون بە تا: بەهۆی هەوكردنی جومگەكانەوە لە هەندێك حاڵەتدا كەسەكە پلەی گەرمی لەشی زیاد دەبێت و توشی تا دەبێت , بەڵام بە نەمانی هەوكردنەكە پلەی گەرمیش ئاسایی دەبێتەوە.
12. توشبوون بە شەل بوون: بەردەوام بوونی ڕۆماتیزم بەتایبەت لە جومگەی ئەژنۆدا كار دەكاتە سەر دەمار و ئێسكەكانی قاچ و توشی سست بونیان دەكات و لەوانەیە كەسەكە شەل ببێت.
 
 
لەكاتی هەستكردن بە هەریەك یاخود هەندێك لەم نیشانانەدا پێویستە سەردانی پزیشكی پسپۆڕ بكرێت بۆ دڵنیا بوونەوە و  ئەنجامدانی پشكنینی پزیشكی پێویست , بەمەبەستی  وەرگرتنی چارەسەری گونجاو بۆ ڕێگە گرتن لە نەخۆشی یەكە بۆ ئەوەی زیاتر نەبێت .
 
 
بەهیوای تەندروستی بۆ هەمووان. 


زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,097     میوان : 79
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED