ڕێنمای تایبەت بە ڕۆژی جیهانی دەست شوشتن
 به‌روار‌  : 15-10-2018
 بینراوه‌  : 759

 
 
        كەی وە چۆن پێویستە دەست بشۆردرێت. 
 
ئـــــا/ نـــاز
 
دەست شوشتن ڕێگەیەكی سەرەكی و كاریگەرە بۆ خۆپاراستن لە توشبوون و بە نەخۆشی , بۆیە پێویستە هەمیشە گرنگی بە خاوێنكردنەوە و شوشتنی دەستەكان بدرێت . 
هەمیشە پێویستە دەست خاوێن بكرێتەوە بەڵام چەند كاتێك هەن كە زۆر زۆر گرنگە زیاتر و باشتر دەست خاوێنبكرێتەوە پشتگوێ‌ خستنی خاوێنكردنەوەی دەستەكان لەو كاتانەدا مەترسی زۆری هەیە بۆ تەندروستی . بۆیە پێویستە لەم كاتانەدا بەباشترین شێوە و بە خاوێنكەرەوەی تایبەت دەستەكان بشۆردرێن , وە بەباشی ووشكبكرێنەوە .  ئەو كاتانەش بەگشتی بریتین لـــــە:
 
1. دوای هەڵگرتن و دەستلێدانی كەسانی نەخۆش.
2. دوای پاككردنەوە و خاوێنكردنەوەی  برین و بڕاوی خۆت یان هەر كەسێكی تر.
3. دوای خاوێنكردنەوەی منداڵ  و گۆڕینی دایبی منداڵا.
4. دوای بەكارهێنانی   توالێت .
5. پێش ئامادەكردن و دروستكردنی هەر خواردن و خواردنەوەیەك.
6. پێش  خواردنی هەر خواردن و خواردنەوەیەك.
7. دوای دەستدان لە هەر ئاژەڵێك.
8. دوای خۆراك دان بە هەر ئاژەڵێكی ماڵی.
9. دوای كۆكردنەوەی خۆڵ و خاشاكی ناوماڵ و فڕێدانی .
10. دوای گەڕانەوە لە دەرەوە ی ماڵ.
 
 
پێویستە لە هەموو كاتەكانی دەست شوشتندا ڕەچاوی چەند ڕێنمایی یەك بكرێت. لـــــەوانەش:
 
1. سەرەتا دەست بەئاوی پاك دەشۆردرێت  پاشان سابوون لەدەستەكان بدرێت.
2. بڵاوكردنەوەی كەفی سابوونەكە بە هەموو بەشەكانی دەست و نێوان پەنجەكاندا , و لەهەمووی گرنگتر ژێر نینۆكەكان.
3. لەكاتی پەیڕەوكردنی خاڵی دووەمدا , لانی كەم پێویستە 20 چركە كەفەكە بەدەستەوە بێت , ئەگەر دەستەكان زۆر پیس بوون دەبێت كاتەكە زۆر زیاتر بێت.
4. پاشان شوشتنی دەستەكان بە ئاو ی خاوێن بۆ لێكردنەوەی كەفەكە.
5. ووشككردنەوەی دەستەكان بە خاولی خاوێن , یان بە ئامێری ووشككەرەوەی دەستەكان. 
6. بەكارهێنانی ئەو خاوێن كرەوانەی كە پێویستیان بە ئاو سابوون نی یە تەنها لە كاتێكا دەبێت كە ئاو و سابوون بەردەست نین. 
7. پێویستە ئەوە بزانرێت كە ئەو خاوێنكەرەوانە هەرگیز نابێت كاتێك بەكار بهێنرێن كە پیسی و ناخاوێنی دەست بە چاو دەبنرێت , چونكە توانای پاككردنەوەی پیسی و چەوری یان نی یە ,  بۆیە  پێویستە لەوكاتانەدا  ئاو و سابوون بەكاربهێنرێت .
 
پێویستە پەیڕەوی ئەم ڕێنمایی یانە بكرێت لەلایەن كەسانی پێگەیشتووەوە و هەوەها هەوڵبدەن منداڵانیش فێر بكەن تا لە مەترسی توشبوون بە نەخۆشی پارێزراوبن.
 
 
بە هیوای پاك و خاوێنی و تەندروستی بۆ هەمووان.



زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,180     میوان : 111
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED