هۆكارەكانی توشبوون بە شێرپەنجەی مەمك
 به‌روار‌  : 18-10-2018
 بینراوه‌  : 64

 
شێرپەنجەی مەمك بەزۆری لە خانەكانی  ناوپۆشی ناوەوەی كەناڵی شیرەوە دەست پێدەكات , و دواتر بڵاودەبێتەوە بۆ خانە و شانەكانی تر. ئەو خانە شێرپەنجەیی یانە بەشێوەیەكی زۆر خێرگەشەدەكەن و بڵاو دەبنەوە كە زۆر خێراترە لە گەشەی خانە ئاسایی یەكان.  
 
هۆكاری توشبوون بە شێرپەنجەی مەمك زۆرن , توێژینەوەكان  ئاماژە بە كاریگەری هۆرمۆنی , و شێوازی ژیان , و ژینگە , و هتدد دەكەن, كە ئەمانە ئەگەری توشبوون زیاتر دەكەن. . لەم بابەتەدا ئاماژە بەهۆكارە كاریگەرەكان دەكەین كە ئەگەری توشبوون بەم شێرپەنجەیە زۆر تر دەكەن. 
 
هۆكارەكانیش بریتین لـــــــــە:
 
1. ڕەگەز:  ئاشكرایە كە ڕەگەزی مێ‌ زۆر تیاتر مەترسی توشیبوونی هەیە بە شێرپەنجەی مەمك بەبەراورد بە ڕەگەزی نێر.
2. تەمەن: لەگەڵا زیاد بوونی تەمەندا , مەترسی توشبوون زیاتر دەبێت.
3. مێژووی توشبوون لە خێزاندا: ئەگەر كەسێك لە ئەندامانی خێزانێكدا توشبوو بێت , ئەوا مەترسی توشبوون لە كەسەكانی تری ئەو خێزانەدا زیاترە , بەتایبەت لە خانماندا.
4. بەركەوتنی تیشكی كیمیایی : ئەگەر كەسێك لە تەمەنی منداڵیدا , یاخود لە پێگەیشتوویدا چارەسەری بە تیشكی وەرگرتبێت , ئەوا كەترسی توشبوونی زیاترە .
5. دەستپێكردنی یەكەم سوڕی مانگانە لە تەمەنی زوودا: ئەو خانمانەی لە تەمەنێكی زۆر بچوك دا سوڕی مانگانەیان دەستی پێكردوە, واتە پێش تەمەنی 12 ساڵی , ئەوا مەترسی توشبوونیان زیاترە.
6. وەستانەوەی سوڕی مانگانە لە تەمەنێكی زۆر گەنج دا: ئەو خانمانەی لە تەمەنێكی زۆر زوو دا سوڕی مانگانەكەیان دەوەستێتەوە كۆتای دێت , مەترسی توشبوونیان زیاترە.
7. دروستكردنی یەكەم منداڵا لەتەمەنێكی گەورەدا: ئەو خانمانەی یەكەم منداڵیان لە دوای تەمەنی 35 ساڵی دروست دەكەن , مەترسی توشبوونیان زیاترە.
8. قەڵەوی: زۆری كێشی لەش و قەڵەوی مەترسی توشبوون زیاتر دەكات .
9. وەرگرتنی چارەسەری هۆرمۆنی: ئەو خانمانەی چارەسەری هۆرمۆنی وەردەگرن , مەترسی توشبوونیان زیاتر دەبێت .
10. بەكارهێنانی حەبی ڕێگری كردن لە منداڵا بوون: زۆر بەكارهێنانی حەبی ڕێگری كردن لە منداڵا دروستكردن مەترسی توشبوون زیاتر دەكات.
11. بەكارهێنانی  ماددە هۆشبەرەكان:  ئەو خانمانەی ماددە هۆشبەرەكان بەكاردەهێنن , مەترسی توشبوونیان زیاترە .
12. جۆری كار و پیشە: هەندێك لە توێژینەوەكان ئاماژەیان بەوەداوە كە هەندێك جۆری كارو كاتەكانی مەترسی توشبوون زیاتر دەكەن. بۆنمونە لە ساڵی 2007 دا توێژینەوەیەك باسی ئەوەی كرد كە ئەو خانمانەی لە دەوامی شەواندا كار دەكەن  ئەگەری توشبونیان زیاترە, بەڵام توێژینەوە نوێیەكان دەڵێن وا نی یە .
 
•  ئەو خانمانەی  نەشتەرگەری چاندنەوەی مەمك ئەنجام دەدەن بۆ مەبەستی جوانكاری , مەترسی گیان لەدەستدانیان زیاترە بە ڕێژەی %25 بەبەراورد بەوانەی ئەو نەشتەرگەری یە ئەنجام نادەن. چونكە ئەگەری ئەوە هەیە ئەو چاندنەوەیە ببێتە هۆی ڕوودانی گۆڕانكاری لە شانەكانی مەمكدا, یان  ببێت هۆی داپۆشینی خانە شێرپەنجەیی یەكان و لە كاتی پشكنیندا هەستیان پێنەكرێت. پێَویستە توێژینەوەی زیاتر بكرێت بۆ زانینی هۆكارەكان.
 
پێویستە ئاماژە بەوە بدەین كە ڕاستە بوونی ئەم هۆكارانە مەترسی توشبوون بە شێرپەنجەی مەمك زیاتر دەكەن , بەڵام لەگەڵا ئەوەیشدا چەندەها كەس هەن كە هەندێك یاخود  زووربەی ئەم هۆكارانەشیان هەیە و دووچاری شێرپەنجەش نابن, وە لەلایەكی تریشەوە چەندین كەس هەن كە هیچ كام لەم هۆكارانەیان نی یە توشیش بوون. بۆیە پێویستە  توێژینەوەكان بەردەوام بن  بۆ گەیشتن بە دەرەنجامی زیاتر .
 
بە هیوای دوور بوون لە هەموو شێرپەنجەیەك.


زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,202     میوان : 120
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED