باشترین خۆراك بۆ ڕێگری كردن لە شێرپەنجەی مەمك
 به‌روار‌  : 22-10-2018
 بینراوه‌  : 693

 
ئـــا/ نـــاز
 
بەگوێرەی یەكێك لە تازەترین توێژینەوەكان كە لە گۆڤاری (New England Journal of Medicine) دا بڵاوكراوەتەوە , و بەبەشدای  6711 خانم ئەنجام دراوە ,كە تەمەنیان لە نێوان (18-75) ساڵیدا بووە, ئاماژە بەوەكراوە كە ئەو كەسانەی لە قۆناغی سەرەتایی توشبوون بە شێرپەنجەی مەمكدان پێویستیان بە وەرگرتنی چارەسەری كیمیایی نی یە . و بە ڕێگەی تر وەك گۆڕینی شێوازی ژیان و پەیڕەوكردنی سیستمی خۆراكی تەندروست دەتوانرێت بەسەر حاڵەتەكەدا زاڵ ببن.
 
سەرەڕای ئەو ڕاستی یەی كە بەشێك لە هۆكارەكانی توشبوون بە شێرپەنجە لە دەرەوەی كۆنترۆڵكردنی مرۆڤدا , وەك كاریگەری بۆهێلەكان و بۆماوەیی , بەڵام توێژەران پێیان وایە كە بە گۆڕینی شێوازی ژیان و بە خۆراكی تەندروست دەتوانرێت بە سەر ئەم نەخۆشی یە كوشندەیەدا زاڵا ببین , بە شێوەیەك لە هەر 20 كەیسێك لە توشبووانی شێر پەنجە – كەسێكیان  ڕزگاری ببێت  تەنها بە گۆڕینی ئەو خۆراكانەی دەیخۆن..! 
گەرچی تەنها یەك خۆراكی تایبەت و دیاری كراو نی یە كە مرۆڤ بپارێزێت لە توشبوون بە شێرپەنجە بەگشتی , بەڵام بە پەیڕەوكردنی سیتمی خۆراكی تەندروست و خاوێن دەتوانرێت ڕێگری بكرێت لە توشبوون و گەشەكردنی حاڵەتەكە . لێرەدا ئاماژە بە هەندێك لەو خۆراكانە دەكەین كە زۆر بەسوود و كاریگەرن بۆ ڕێگری كردن لە گەشەكردنی خانەشێرپەنجەیی یەكان و یارمەتی پاراستن و زووتر چاكبوونەوەی توشبووان بە شێرپەنجە بەگشتی و شێرپەنجەی مەمك بە تایبەتی دەدەن لە قۆناغە زۆر سەرەتایی یەكانی توشبووندا. 
 
باشترین ئەو خۆراكانەش بریتین لـــە: 
  
1. قارچك:  خواردنی قارچك یارمەتی پاراستن ئەدات لە توشبوون بە شێرپەنجەی مەمك. بەگوێرەی توێژینەوەیەك لە گۆڤاری (International Journal of Cancer) دا بڵاوكراوەتەوە , باس لەوە دەكرێت كە ئەو خانمانەی ڕۆژانە بڕی 10 ملگم قارچكی فرێش دەخۆن مەترسی توشبوونیان بە شێرپەنجەی مەمك كەمترە لەو خانمانەی قارچك لە خۆراكی ڕۆژانەیاندا نی یە. گەرچی گۆڤارەكە ئاماژەی بەو هۆكارانە نەداوە كە وا لە قارچك دەكەن ئەوەندە كارریگەربێت. 
2. فاصولیا: ئەوە زانراوە كە فاصولیا دەوڵەمەندە بە ڕیشاڵەكان و ڕێگری دەكات لە زیاد بوونی كێش, بەڵام تا ئێستا ئەوە نەزانرابوو كە بۆ ڕێگری كردن لە توشبوون بە شێرپەنجەی مەمك یش زۆر كاریگەرە. توێژەرانی (زانكۆی هارڤارد) باس لەوە دەكەن كە ئەو خانمانەی ڕۆژانە بڕی 10 ملگم فاصولیای  دەخۆن مەترسی توشبوونیان بە شێرپەنجەی مەمك بەڕێژەی %7 كەمتر دەبێتەوە. توێژەران پێیان وایە ڕیشاڵەكان دەبنە هۆی كەمكردنەوەی ڕێژەی هۆرمۆنی ئیسترۆجین لە خوێندا , كە كاریگەری هەیە بۆ مەترسی توشبوون بە شێرپەنجەی مەمك. 
3. نۆك: بەیەكێك لەسەرچاوە دەوڵەمەندەكانی پرۆتین دادەنرێت بۆ دابەزاندنی كێش زۆر كاریگەرە, لەبەرئەوەی ڕێژەیەكی زۆر باش لە ڕیشاڵەكانی تێدایە. بە گوێرەی توێژینەوەكان نۆك دەبێتە هۆی كەمكردنەوەی مەترسی توشبوون بە شێرپەنجەی مەمك بەهۆی بوونی ماددە دژەشێرپەنجە لە پێكهاتەیدا.
4. تەماتە: بەهۆی بوونی دژە ئۆكسانی (lycopene) لە تەماتەدا دەبێتە هۆی كەمكردنەوەی مەترسی توشبوون بە شێرپنجەی مەمك لە خانماندا بە ڕێژەی %22 .
5. پەتاتەی شیرین: پەتاتە بەگشتی و , و پەتاتەی شیرین بە تایبەتی دەوڵەمەندە بە بیتاكارۆتین , كە دەبێتە هۆی كەمكردنەوەی مەترسی توشبوون بە شێرپەنجە, بە گوێرە گۆڤاری دامەزاروەی نیشتمانی شێرپەنجە , ئەو خانمانەی ڕێژەی بیتاكارۆتین لە خوێنیاندا بەرزە مەترسی توشبونیان بە شێرپەنجە مەترسیدارەكان بە ڕێژەی % 17 كەمترە .
6. چا:  بەتایبەتی چای سەوز زۆر بەسوودە. بە گوێرەی توێژینەوەیەكی (NIH) ئەو خانمە یابانی یانەی ڕۆژانە لانی كەم یەك كوپ چای سەوز دەخۆنەوە  هۆرمۆنی ئیسترۆجین لە میزیاندا كەمتربووە كە ماددەیەكی كاریگەرە بۆ توشبوون بە شێرپەنجەی مەمك. باشترین شێوازیش بۆ ئامادەكردنی چا ئەوەیە كە لە ماڵەوەبێت و تازە و خاوێن بێت.

 



زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,190     میوان : 118
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED