بەشی دووەم - باشترین خۆراك بۆ ڕێگری كردن لە شێرپەنجەی مەمك
 به‌روار‌  : 22-10-2018
 بینراوه‌  : 900

 
7. برۆكلی : بەهۆی بوونی دژەهەوكردنی (sulforaphane) تێیدا دەبێتە هۆی كەمكردنەوەی ئەو ماددەكیمایی یانەی هۆكارن بۆ توشبوون بە شێرپەنجە  , و هەروەها ڕێگری دەكات لە گەشەی خانە شێرپەنجەیی یەكانی مەمك.
8. زەیتی زەیتوون: توێّژەرانی ئیسپانی ئاماژەیان بەوەداوە كە ئەو خانمانەی زەیتی زەتوون بە كاردەهێنن لە خۆراكی رۆژانەیاندا مەترسی توشبوونیان بە شێرپەنجەی مەمك كەمترە بە ڕێژەی % 68 بەبەراورد بەوانەی چەوری یەكانی تری وەك زەیتی گەنمەشامی بەكاردەهێنن. 
9. هێلكە: یەكێك لە سەرچاوە گرنگەكانی ماددە خۆراكی یە زۆر بنەڕِەتی یەكانی تێیدایە- كە بە (choline) ناسراوە , كە بۆ پێكهێنان و كاری هەموو خانە زیندووەكان پێویستە و , كەمبونەوەی بڕەكەی دەبێتە هۆی تێچوونی كار ی خانەدەماری یەكانی مێشك , وە هەروەها مەترسی توشبوون بە شێرپەنجەی مەمك زیاد دەكات. بەگوێرەی توێژینەوەكان ئەو خانمانەی ڕێژەی ئەم ماددەیە لە خوێنیاندا زۆرە , مەترسی توشبوونیان بە شێرپەنجەی مەمك كەمترە لە خانمانی تر.
10. زەردەچەوە: بەوە ناسراوە كە دژەهەوكردنێكی زۆر بەهێزە. توێژینەوەكان ئاماژە بەوەدەدەن كە هەوكردنی درێژخایان بەهۆكارێك دادەنرێت بۆ توشبوون بە شێرپەنجە , بۆیەش خواردنی زەردەچەوە لە ژەمە خۆراكی یەكاندا دەبێتە هۆی ڕێگری كردن لە توشبوون بە هەوكردن و بەمەش مەترسی توشبوون بە شێرپەنجە كەمتر دەبێتەوە.
11. هەنــار: خواردنی ئەم میوە پڕ ریشاڵە دەبێتە هۆی كەمكردنەوەی مەترسی توشبوون بە شێرپەنجەی مەمك. بە گوێرەی توێژینەوەكان هەنار یەكێكە لەو میوانەی كە دەوڵەمەندە بە (Ellagic acid) كەیەكێكە لە دژەئۆكسانە سروشتی یەكان , یارمەتی پاراستن لە توشبوون بە شێرپەنجە دەدات بە هۆی ڕێگری كردن لە گەشەی خانە شێرپەنجەیی یەكان.
12. گوێز:  ماددەیەكی تێدایە كە كاری ئەو ئەنزیمە دەوەستێنێت كە دەبێتە هۆی چالاككردنی خانە شێرپەنجەیی یەكان , بەبێ‌ ئەوەی زیان بە خانە ئاسایی یەكان بگەیەنێت. هەروەها گەردێكی تایبەتی تێدایە كە لە شێوەی كۆلیسترۆلدایە و پێی دەوترێت (phytosterols) كە یارمەتی ڕێكخستنی ئاستی هۆرمۆنی ئیسترۆجین دەدات لە خانمان و لە پیاوانیشدا, بەمەش دەبێتە هۆی كەمكردنەوەی مەترسی توشبوون بە شێرپەنجە.
13. تۆوی كەتان: بەیەكێك لە سەرچاوە خۆراكی یە زۆردەوڵەمەندەكان دادەنرێت بۆ تەندروستی. بەهۆی بوونی دژەئۆكسانەوە یارمەتی كەمكردنەوەی مەترسی توشبون بە شێرپەنجە دەدات. بەگوێرەی توێژینەوەكان تۆوی كەتان توانای كەمكردنەوەی گەشەی گرێ‌ شێرپەنجەیی یەكانی هەیە لەو كەسانەدا توشی شێرپەنجەی مەمك بوون.
 
ئەمانە بەگشتی و زۆرینەی خۆراكە پێكهاتووەكان لە سەوزە و میوە دەبنە هۆی كەمكردنەوەی مەترسی توشبوون بە شێرپەنجەی مەمك و هەروەها كاریگەری زۆر یان هەیە بۆ تەندروستی بەگشتی. بۆیە پێویستە گرنگی بە جۆر و شێوازی خۆراكەكان بدرێت لە پێناو بەدوور بوون لە نەخۆشی یە مەترسیدارەكاندا.
 
بەهیوای تەندروستی بۆ هەمووان.



زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,127     میوان : 101
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED