چــۆنێتی چارەسەركردن و ڕیگەگرتن لە توشبوون بە بـەرزەفشاری خوێن
 به‌روار‌  : 27-10-2018
 بینراوه‌  : 252

 
ئا/نـاز
 
توشبوون بە بەرزی فشاری خوێن لە ئێستادا بەیەكێك لە نەخۆشی یە بڵاوەكان دادەنرێت لە جیهاندا و لە هەر 3 كەسێك یەك كەسیان ئەگەری مەترسی توشبوونی هەیە. و ە ئەگەر بێتوو ئەم حاڵەتی چارەسەر نەكرێت ئەوا كەسەكە مەترسی توشبوونی بەچەندین حاڵەت و نەخۆشی تری هەیە, لەوانەش توشبوون بە نەخۆشی یەكانی دڵا , و نەخۆشی یەكانی گورچیلە, وەهەروەها چەندین نەخۆشی مەترسیداری تر وەك كەم بونەوەی بینای چاوەكان و لەدەستدانی توانای بینین. 
 
بۆیە پێویستی لەكاتی توشبوون بە بەرزە فشاری و خوێن و دەركەوتنی نیشانەكانیدا, بەزۆترین كات هەوڵی چارەسەركردنی بدرێت تا توشی مەترسی و نەخۆشی تر نەبیت.  
 
چارەسەركردنیش چەندین لایەن دەگرێتەوە , وەك دەرمان و چارەسەری پزیشكی , وەهەروەها گۆڕانكاری لە شێوازی ژیان, و گۆڕینی سیتمی خۆراكی و, و ئەنجامدانی جوڵەی وەرزشی بەسود, و چاودێركردنی بەردەوامی تەندروستی و ئاستی فشاری خوێن. 
 
یەكەم/ چارەسەركردن بە دەرمان:   لەهەندێك حاڵەت بە گشتی و لە ناجێگیری و زۆر بەرزبونی فشاری خوێندا پێویستە خێرا دەرمان و چارەسەری پزیشكی بەكاربهێنرێت , لە پێناو ڕێگەگرتن لە زیادبوونی حاڵەتەكە و وەرگرتنی چارەسەری پێویستدا.
بەگشتی لەسەرەتادا كەسی نەخۆش پێویستی تەنها بەیەك جۆر لە دەرمان هەیە , وپزیشك ڕێنمایی دەكات بۆ وەرگرتنی 1 جۆر دەرمان , بەڵام ئەگەر حاڵەتەكە كۆنترۆل نەكراو , وە بەرزەفشاری خوێن هەر بەردەوام بوو یاخود ناجێگیر بوو ئەوكات پبَویستی بە وەرگرتنی دوو جۆر لە دەرمان دەبێت , و هەندێك جاریش زیاتر .  بەگشتیش هەندێك لەو دەرمانانە بریتین لـــە:
 
- Diuretics : كە بە میزهێنەرەكان دادەنرێن و دەبنە هۆی ئەوەی كەسەكە زوو زوو  میز بكات, چونكە  لە رێگەی میزكردنەوە بڕێكی زۆر لە خوێی زیادەی لەش دەكرێتە دەرەوە و بەوەش ئاستی بەرزی فشاری خوێن دادەبەزێت.وەك    { Chlorothiazide, Hydrochlorothiazide, Lasix  } .
- calcium-channel blockers : دەبنە هۆی ڕێگە گرتن لە كۆبونەوەی كالیسیۆم لە دەمارەخانەكانی خوێندا , و بەمەش ڕێگە دەگرن لە بەرزبونەوەی  ئاستی فشاری خوێن.وەك  { Amlodipine ,Diltiazem ,Felodipine,Verapamil} 
 
- central agonists : ئەم جۆرە دەرمانانە كار لە سەر سیتمی دەماری مێشك دەكەن , و بەوەی كە وا دەكەن مێشك ئاماژە بۆ دڵ بنێرێت  كە لێدانەكانی هێواشتر ببێتەوە , و كەسەكەش ئارامتر دەكەنەوە , بەمەش ئاستی فشاری بەرزی خوێن دادەبەزێت. وەك { Clonidine ,Guanfacine ,Methyldopa}.
 
- Vasodilators : ئەم جۆرە دەرمانانە یارمەتی فراوانتر بوونی دەمارەكانی خوێن دەدەن , و وا دەكەن خوێن ئاسانتر بە نێویاندا بڕوات , تا فشاری خوێن دادەبەزێت. وەك { ephedrine,phenylephrine,pseudoephedrine}.
 
 
دووەم/ چارەسەركردن بە گۆڕینی شێوازی ژیان : مەبەست لەمە ئەوەیە كە پەیڕەوی چەند شتێك بكرێت .لەوانەش:
 
• دابەزاندنی كێشی زیادەی لەش.
• ئەنجامدانی وەرزشی ئاسان و بە سوود: وەك بە پێ‌ ڕۆیشتن, مەلە كردن ,پاسكیل ,هتد.
 
• پەیڕەوكردن لە سیتمێكی خۆراكی تەندروست: ئەمە بە گرنگترین و كاریگەرترین ڕێگە چارەسی زۆر نەخۆشی بە گشتی و بەرزەفشاری خوێن بە تایبەتی دادەنرێت , چونكە خۆراك كاریگەری زۆری هەیە لەسەر تەندروستی . 


زیاتر ببینه

جۆرەكانی نەخۆشی شەكرە
 به‌روار‌  : 18-11-2018

ڕۆژی جیهانی نەخۆشی شەكرە
 به‌روار‌  : 15-11-2018

هەفتەی هۆشیاری
 به‌روار‌  : 14-11-2018

نیشانەكانی توشبوون بە شێرپەنجەی پەنكریاس
 به‌روار‌  : 13-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 288,152     میوان : 96
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED