نیشانەكانی توشبوون بە شێرپەنجەی سییەكان
 به‌روار‌  : 27-11-2018
 بینراوه‌  : 984

 
ئـــــا/ نـــاز
بەهۆی نادیاری نیشانەكانی ئەم شێرپەنجەیە لە سەرەتاكانی توشبووندا زوو هەستی پێناكرێت , یاخود گوێ‌ بەو نیشانانە نادرێت كە ڕەنگە ئاماژە بن بۆ توشبوون بە شێرپەنجەی سییەكان. لەبەر ئەوە لە زووربەی حاڵەتەكاندا لە قۆناغی سەرەتادا ئەم نەخۆشی یە دەستنیشان ناكرێت تا دەگاتە ئاستێكی مەترسیدار. خۆ ئەگەر بێتوو لەسەرەتاوە دەستنیشان بكرێت و چارەسەری پێویست وەر بگیرێت ئەوا مەترسی یەكانی زۆر كەمتر دەبنەوە و كەسی توشبوو چانسی زۆری هەیە كە ڕزگاری ببێت و بگەڕێتەوە بۆ دۆخی ئاسایی و تەندروستی و درێژە بە ژیان بدات.
 
بۆیە پێویستە ئاگاداری نیشانەكان بین.
 
لە دیارترین نیشانەكانی توشبوون بە شێرپەنجەی سی بریتین لــــە:
 
1. كۆكە: توشبون بە جۆرێك لە كۆكە, كە چارەسەر نابێت و بەردەوام بێت بۆ 3 هەفتە و زیاتریش.
2. هەوكردنی قورگ, و بەردەوام بوونی.
3. توشبوون بە كۆكەی خوێناوی.
4. هەستكردن بە ئازاری سنگ لەكاتی هەناسەدان , و لە كاتی كۆكین دا.
5. توشبوون بە هەناسە تووندی بەردەوام.
6. هەستكردن بە لاوازی و كەم ووزەیی.
7. لە دەستدانی ئارەزووی خواردن .
8. دابەزینی كێشی لەش بە شێوەیەكی نا ئاسایی.
 
ئەگەر هەستت بە بوونی ئەم نیشانانە كرد , ئەوا پێویستە بە زووترین كات سەردانی پزیشكی پسپۆڕ بكەیت بۆ وەرگرتنی چارەسەری پێویست و خۆپاراستن لە مەترسی توشبوون بە شێرپەنجەی سییەكان.
 
 
لەگەڵ ئەمانەشدا چەند نیشانەیەكی تر هەن كە زۆر بڵاو نین , بەڵام  دەركەوتنیان ئاماژە بۆ مەترسی توشبوون بە شێرپەنجەی سییەكان . 
 
ئەو نیشانانەش بریتین لـــە:
 
1. ڕوودانی گۆڕانكاری لە پەنجەكاندا, وەك زیاد بوونی چەمانەوەیی پەنجەكان, یاخوود گەورەتر دەركەوتنی سەری پەنجەكان.
2. بەرزبوونەوەی پلەی گەرمی لەش بۆ  (38) پلە  و زیاتر.
3. بوونی ئازار لەكاتی قووتدانی خواردن و خواردنەوەدا, یاخوود نەتوانینی قووتدانیان.
4. زبربوونی دەنگ, ئەوەی پێی دەڵێن دەنگ نوسان.
5. بوونی دەنگێك لە سنگدا لەكاتی هەناسەدان , و كۆكین دا.
6. ئاوسانی ڕووخسار .
7. ئاوسانی مل.
8. بەردەوامی هەستكردن بە ئازار لە سنگ و لە شانەكاندا.
 
ئەم نیشانانە كەمتر دەر دەكەون, بەڵام لەگەڵا هەستكردن بە بوونی هەندێك یاخوود هەموویاندا , پێویستە زۆر بە خێرایی سەردانی پزیشكی پسپۆڕ بكرێت , بۆ دڵنیا بوونەوە و وەرگرتنی چارەسەری پێویست. تا ئەگەر حاڵەتەكە شێرپەنجەی سییەكانیش بێت , زووتر دەست بە  چارەسەر كردنی بكرێت تا نەگاتە قۆناغە مەترسیدارەكان .
 
بە هیوای دوور بوون لە هەموو شێرپەنجەیەك. تەندروست بن.



زیاتر ببینه

سوودە تەندروستی یە كانی جاترە
 به‌روار‌  : 21-05-2019

هۆكارەكانی توشبوون بە بەرزەفشاری خوێن
 به‌روار‌  : 19-05-2019

جۆرەكانی بەرزە پەستانی خوێن و نیشانه‌کانی توشبوون به‌م نه‌خۆشییه‌
 به‌روار‌  : 18-05-2019

ڕۆژی جیهانی بەرزەپەستانی خوێن
 به‌روار‌  : 16-05-2019

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 364,751     میوان : 26
DESIGNED AND DEVELOPED BY KOD4IT -  COPYRIGHT © 2017 - 2019 BAXSHIN  ALL RIGHT RESERVED