رۆژی جیهانی بەرەنگاربوونەوەی ئایدز
 به‌روار‌  : 01-12-2018
 بینراوه‌  : 47

 
ئــا/ نــاز
ڕۆژی 1 ی مانگی 12 هەموو ساڵێك بە ڕۆژی جیهانی بەرەنگاربوونەوەی ئایدز دەستنیشانكراوە. ئەم ڕۆژە بۆ یەكەمجار لە ساڵی 1988 دا و لەلایەن ڕێكخراوی تەندروستی جیهانی (WHO) وە بڕیاری لەسەردرا , كە ساڵانە و لەو ڕۆژەدا ڕێكخراو و ناوەندە تەندروستی یە جیهانیەكان زانیاری زیاتر بڵاو دەكەنەوە لەسەر ئەم نەخۆشی یە مەترسیدارەو هەوڵی ووشیاركردنەوەی زیاتری خەڵكی دەەن لە ڕێگەی كۆنفرانس و  سێمینار و  و بڵاوكردنەوەی ڕێنمایی پێویست لە ڕێگەی ڕاگەیاندنەكان و  ڕێكخراوەكان و ناوەند و سەنتەرە  تەندروستی یەكانەوە. 
 
ئەم ساڵ و لەگەڵ ساڵ ڕۆژەكەیدا یادی 30 ساڵەی دیاری كردنی ئەم ڕۆژەش دەكرێتەوە لە لایەن (WHO) وە , وە ئەم ساڵا ڕێكخراوی تەندروستی جیهانی لە یادی ئەم ڕۆژەدا دەیەوێت  جەختی زیاتر بكاتەوە لەسەر  دوو خاڵی گرنگ .كە ئەوانیش بریتین لـــە:
 
1. هاندانی خەڵكی بۆ ئەنجامدانی پشكنین بۆ دڵنیا بوونەوەی لە حاڵەتەكەیان, وە بۆ خۆپاراستنیان لە توشبوون, هەوەها بۆ چارەسەر كردن .
2. هاندانی زیاتری  بەرپرسانی بواری تەندروستی بۆ بەرزكردنەوەی ئاستی خزمەتگوزاری تەندروستی بۆ هەمووان, بەتایبەت بۆ  نەخۆشیە گوازراوەكانی وەك ( ئایدز,سیل, ڤایرۆسی جگەر) وە هەوەها بۆ نەخۆشیە نەگوازراوەكانیش. 
 
بەگشتی دیاری كردنی ئەم ڕۆژە جیهانی یە و ساڵانە  یادكرنەوەی  لە جیهاندا چەند ئامانجێكی هەیە , كە لێرەدا ئاماژە بە هەندێكیان دەدەین.          ئەوانیش بریتین لـــە:
 
1. جەختكردنەوە لەسەر گرنگی بڵاوكردنەوەی زانیاری پێویست سەبارەت بەم نەخۆشیە مەترسیدارە , لە سەر ئاستی ناوخۆیی و نێودەوڵەتی .
2. چڕكردنەوەی  هەوڵەكان بۆ ڕێگری كردن لە بڵاوبوونەوەی ڤایرۆسی (HIV) لە سەر ئاستی جیهانی .
3. دابینكردنی  زیاتری ئەو خزمەتگوازریانەی پەیوەستن بە ڕێگەكانی چارەسەركردن و  خۆپاراستن .
4. پەرەپێدان بە یاسا و پێوەرەكان و ڕێنمایی یە تەكنیكی یەكان بۆ یارمەتی دانی ووڵاتانی جیهان بۆ گەشەپێدان بە كەرتی تەندروستی لە پێناو ڕێگری كردن لە تەشەنەكرنی نەخۆشیە مەترسیدارەكان و بەرەنگار بوونەوەی ئــایدز.
5. پێشكەشكردنی هاوكاری تەندروستی زیاتر بە ووڵاتانی دواكەوتوو , و ئەو ووڵاتانەی لە ڕووی گەشەی ئابوری یەوە لە ئاستێكی نزمدان.
6. بانگێشتكردنی هەموو لایەنە پەیوەندیدارەكان لەسەر ئاستی نێودەوڵەتی بۆ سەرنجدانی زیاتر و كاركردنی پێكەوەیی لە پێناو گرنگی دان بە نەخۆشیە مەترسیداەكانی وەك ئــایدز لە هەموو ووڵاتانی جیهاندا , و نیشاندانی پاڵپشتی و پابەند بوونیان بە كاركردنی زیاتر بۆ بەرەنگار بوونەوەی ئــایدز .
ڕێكخراوی تەندروستی جیهانی بە هاوكاری لەگەڵ ڕێكخراو و ناوەندە تەندروستی یەكان كار دەكات بۆ بەدیهێنانی ئەم ئامانجانە . 


زیاتر ببینه

باشترین خۆراك بۆ ڕێگری كردن لە خەمۆكی
 به‌روار‌  : 16-12-2018

سیستمێكی خۆراكی ناسراو بە (دژەشێرپەنجە)
 به‌روار‌  : 08-12-2018

شەش نیشانە كەئاماژەن بۆ ئەوەی جومگەی ئەژنۆ پێویستی بە گۆڕین هەیە
 به‌روار‌  : 05-12-2018

جگەرە كێشان & هۆكاری توشبوون بە شێرپەنجەی سییەكان
 به‌روار‌  : 29-11-2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 300,994     میوان : 50
DESIGNED AND DEVELOPED BY KOD4IT -  COPYRIGHT © 2017 - 2018 BAXSHIN  ALL RIGHT RESERVED