نە خۆشی گیرانی خوێنبەرەکانی دڵ لە گەنجان دا
 به‌روار‌  : 12-04-2019
 بینراوه‌  : 511

 

 

نەخۆشی گیرانی خوێنبەرەکانی دڵ  یەکێکە لە نەخۆشییە بەر بڵاوە درێژ خایەنەکان  سەرەکیترین هۆکار و ریزبەندی یەکەمی  گیان لە دەستدانە لە هەموو جیهاندا، ساڵانە نزیکەی ٨ ملیۆن خەڵک بەم نە خۆشییە گیان لەدەست دەدەن.

، ئەم نەخۆشییە خۆی لە سنگە کوتێ، سنگە کوژێ (جەلتەی دڵ)ئەبینێتەوە، ئەم نەخۆشییە توشی پیاوان وخانمان  دەبێت بەڵام بەشێوەیەکی گشتی و بە  نزیکەی ١٠ ساڵ درەنگتر خانمان  لە پیاوان توشی ئەم نەخۆشییە دەبن، بەهۆی کاریگەری ئەرێنی  و پارێزی سوری مانگانە وهۆرمۆنی پرۆجیسترۆنەوە.

 ئەم نەخۆشی یە بە شێووە یەکی گشتی بە نەخۆشی تەمەن دائەنرێت، واتە زۆربەی زۆری ئەوانەی توشی ئەم نەخۆشییە دەبن بەساڵاچوانن( لەسەرووی ٦٥ )ساڵییەوە، هۆکاری ئەمەش کە زۆربەی ئەوانەی کە توشی ئەم نەخۆشییە ئەبن بەساڵ چوانن یان بە مانایەکی تر ئەم نەخۆشییە بە نەخۆشی بەساڵا چوان دا ئەنرێت ئەوەیە کە     هۆکارو مەترسییەکانی توش بوون بەم نەخۆشییە لە تەمەنی بەساڵا چواندا دا زۆرن      وەک:

-   بەرزە پەستانی خوێن

- نەخۆشی شەکرە

- بەرزی چەوری خوێن

- رەق بوونی دیواری خوێبەرەکان.

 

بەڵام  ٤-١٠٪ ئەوانەی ئەم نەخۆشییەیان توش دەبێت لە خوارتەمەنی ٤٥ ساڵەوەن.

 بەربڵاوی ئەم نەخۆشییە لە گەنجان داو توش بوونی پێش وەختە بەم نەخۆشییە بە ریژەیەکی بەرچاو زیادی کردوە هەڵبەت کاتێک ئەوترێت تەمەنی پێش وەختە بریتیە لە تەمەنی پێش ٥٥ ساڵی لە پیاواندا و خوار ٦٥ ساڵی لە خانماندا، هەندێک جار و لە هەندێک سەرچاوە تەمەنی خوار ٤٥ ساڵی لە پیاوان دا، تەمەنی خوار ٥٥ ساڵی لە خانماندا بەکاردێت.

لە توێژینەوەیەکدا کە لە ساڵی ٢٠١٤ کراوە لە شاری دهۆک دەربارەی بڵاوی و هۆکارەکانی نەخۆشی گیرانی  پێش وەختەی خوێنبەرەکانی دڵ دەرکەوتوە ٣١٪ ئەوانەی توشی ئەم نەخۆشییە بوون تەمەنیان لە خوار ٤٥ ساڵەوەیە بۆ پیاوەکان و خوار ٥٥ بووە بۆ خانمان. سەرەکیترین هۆکار بۆ توشبوونی پێش وەختەی ئەم نەخۆشییەش بریتی بووە لە:

 

  1.  بەرزی رێژەی چەوری زیان بەخشی ناو خوێن.
  2.  بەرزە پەستانی خوێن.
  3.  هەبوونی بۆماوەیی ئەم نەخۆشییە لە و خێزانەدا.

هەڵبەت هۆکار گەلی تر زۆرن ئەکرێت ئاماژەیان پێ بدەین لەوانە:

  1.  نەخۆشی شەکرە،.
  2. جگەرە کێشا ن.
  3.  زیادی  کێش و وەرزش نەکردن.
  4. خواردنی ناتەندروست .
  5. فشاری دەروونی:لە چەندیین توێژینەوەدا سەلمێنراوە کە کاریگەری راستەوخۆی هەیە بۆ توش بوون بە گیرانی خوێن بەرەکانی دڵ.
  6. خواردنی دەرمان و ماددە بێهۆشکەرەکان و وزە بەخشەکان, لە وێنەی کۆکاین ، ئەمفیتامین کە کاریگەری راستەوخۆیان هەیە بۆ گرژبوونی خوێن بەرەکانی دڵ و تووش بوون بە جەڵتەی دڵ.

 

د. دلاوەر فەرهاد

پزیشكی پسپۆڕی دڵ و هەناو 



زیاتر ببینه

هیمۆفیلیا چیە؟
 به‌روار‌  : 17-04-2019

پارێزگاری كردن لە پێست لە وەرزی زستاندا
 به‌روار‌  : 24-02-2019

سكئێشە ی منداڵ - هۆكار و چارەسەر
 به‌روار‌  : 27-12-2018

خەمۆکی بکوژی بەختەوەری
 به‌روار‌  : 8/7/2018

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 364,748     میوان : 24
DESIGNED AND DEVELOPED BY KOD4IT -  COPYRIGHT © 2017 - 2019 BAXSHIN  ALL RIGHT RESERVED