ئەو خۆراكانەی كە نابێت خانمان بەكاریان بهێنن لە ژەمە خۆراكیەكاندا لە ماوەی كاتی دووگیانیدا
 به‌روار‌  : 17-02-2019
 بینراوه‌  : 4105
لە تۆڕە کۆمەڵایەتیەکان شەیری بکە

 

 

 

چەند خۆراكێك هەن كە زیان بە تەندروستی خانمان یاخود كۆرپەلەكانیان دەگەیەنن , و پێویستە خانمان لەكاتی دووگیانیدا خۆیانیان لێ بەدووربگرن. لــەوانەش:

1.     ئەناناس: ئەم میوە لە لیستی سەرەوەی ئەو خۆراكانەدایە كە باشتر وایە لە كاتی قۆناغی دووگیانیدا خانمان خۆیانیان لێبەدووربگرن. ئەناناس ماددەیەكی تێدایە كە بە (Bromelain) ناودەبرێت و جۆرە ئەنزیمێكە كە بەڕێژەیەكی زۆر لەم میوەیەدا بوونی هەیە , و دەبێتە هۆی تەنكبوونەوەی دیواری ناوپۆشی منداڵدان و مەترسی ڕوودانی لەبارچوونی كۆرپەلە زیاد دەكات . بۆیە پێویستە خانمان خۆیان لە خواردنی ئەناناس بپارێزن.

2.     ترێ‌ : ئەم میوەیەش ماددەیەكی دژەئۆكسانی تێدایە بەناوی (resveratrol) كەمەترسی ئەوەی لێدەكرێت خانمانی دووگیان دوچاری ژەهراوی بوون بكات . هەروەها ئەوبەرگەی دەروەی ترێ‌ ی داپۆشیوە هەرسكردنی ئاسان نییە و ئەگەری توشبوونی خانمان بە بەد هەرسی زیاد دەكات , لەبەر لاوازبوونی كۆئەندامی هەرس لەوقۆناغەدا . بۆیە باشتر وایە ترێ‌ لە لیستی خۆراكەكانیاندا لاببەن.

3.     مۆز: ئەم میوەیە ماددەیەكی تێدایە بەناوی (chitinase) كە ئەگەری توشبوون بە هەستیاری و بەرزبوونەوەی پلەی گەرمی  زیاد دەكات لە خانماندا و . وەهەروەها بڕێكی زۆر شەكر لە پێكهاتەیدا هەیە و باشتر وایە ئەو خانمانەی توشی شەكرەی دووگیانی بوون خۆیانی لێبەدور بگرن.

 

4.     شووتی: ئەم موەیە بۆ تەندروستی زۆر بەسوودە و دەبێتە هۆی كردنەدەروەی ژەهر لە جەستەدا , بەڵام لە قۆناغی دووگیانیدا باشتر وایە بەكارنەهێنرێت , یاخود بڕی كەمی لێبخورێت, چونكە ئەگەری ئەوە هەیە كۆرپەلە ژەهراوی ببێت بەو ماددە ژەهراویانە جەستە پێش كردنەدەرەوەیان .

5. .  گۆشت: گەرچی گۆشت بڕێكی زۆر لە كانزا و ڤایتامینە پێویستەكانی تێدایە بۆ مرۆڤ , وەك ئاسن و ڤایتامین B12 بەڵام زۆر خواردنی دەبێتە هۆی زیاد بوونی ڕێژەی ڤایتامین یان كانزایەكی دیاری كراوی وەك مس و ئەمەش زیان بە تەندروستی كۆرپەلەكە دەگەیەنێت و ناتەواوی لە پێكهاتەی جەستەیدا ڕوودەدات. بۆیە باشتر وایە خانمانی دوگیان  زۆر بەكەمی گۆشت بخۆن, و لەهەفتەی جارێك زیاتر نەبێت.

6.     كونجی: ئەم خۆراكە لە قۆناغی  دووگیانیدا نابێت بخورێت, چونكە دەبێتە هۆی گرژبوون و چونەوەیەكی ماسولكەكانی منداڵدان و , بەمەش خانمەكە توشی ئازار و حاڵەتی ناتەندروست دەبێت . بۆیە باشتر وایە خۆی لەم خۆراكە بەدووربگرێت, بەتایبەتی لە 3 مانگی یەكەمی تەمەنی كۆرپەلەكەدا.

7. خواردنێك كە شەكری زۆری تێدا بێت: خواردنی شەكر بە ڕێژەی زیاد لە پێویست زیان بە تەندروستی خانمی دوگیان دەگەیەنن و مەترسی توشبوونی بە نەخۆشی و  لە بارچوونی كۆرپەلەكەی  توش دەكەن. یاخوود دەبێتە هۆی زوو لەدایكبوونی كۆرپەلەكەی پێش كاتی ئاسایی خۆی. بۆیە باشتر وایە لەجیاتی شەكری دەستكرد سود لە خواردنی خۆراكە شیرینە سروشتی یەكان وەربگیرێت.

8.     خۆراكەلەقوتووكراوەكان: ئەو خۆراك و خواردنەوانەی لە قووتووی داخراودا هەڵگیراون , زیان بە تەندروستی بەگشتی دەگەیەنن, بەهۆی بوونی ماددەی كیمیایی پارێزەر بۆ مانەوەیان .  بۆیەش خانمان پێویستە خۆیانیان لێبپارێزن لە پێناو تەندروستی خۆیان و كۆرپەلەكانیان.

9. كافایین: خواردنەوەی چا و قاوە كە ڕێژەیەكی زۆر كافایین یان تێدایە زیان بە تەندروستی كۆرپەلە دەگەیەنێت . چونكە كافایین یەكێكە لەو ماددانەی كە زۆر بە خێرایی لەلایەن لەشەوە هەڵدەمژرێت و بە ئاسانی دەگوێزرێتەوە بۆ كۆرپەلە. وە لەبەر ئەوەش كۆرپەلە لەسكی دایكیدا بڕی پێویست لەو ئەنزیمانەی نی یە كە ماددەكان شیبكاتەوە و بیانكاتە دەرەوەی لەش, و كافایین كۆدەبێتەوە لە خانەكانی لەشیدا و زیان بەتەندروستی دەگەیەنێت. بۆیە باشتر وایە خانمانی دوگیان بڕێكی كەم لە كافایین بخۆنەوە كە لە 200 ملگرام زیاتر نەبێت لە ڕۆژێكدا , واتە نزیكەی 2-3 كوپ.

10 .  خورما: لەڕاستیدا خورما بەسەرچاوەیەكی دەوڵەمەندی ڤایتامین و كانزا گرنگەكان دادەنرێت , بەڵام لە هەندێك لە حاڵەتەكاندا ڕێنمایی خانمان دەكرێت كە خۆیان بەدووربگرن لەخواردنی خورما, ئەمەیش بەهۆی ئەوەیە كە دەبێتە هۆی بەرزكردنەوەی پلەی گەرمی لەش, وە هەروەها دەبێتە هۆی هەژاندن و گرژبوونی ڕوپۆشی منداڵدان , و زیان بە تەندروستی خانمەكە و كۆرپەلەكەی دەگەیەنێت. بۆیە باشترە خانمان زۆر بەكەمی بیخۆن, ڕۆژی یەك یان دوو دانە , ئەگەر لەوە زیاتر بێت ئەوە زیانی دەبێت.

 

بەگشتی باشتر وایە خانمان لەو قۆناغەدا خۆیان بە دووربگرن لەو خۆراكانەی ئاماژەیان پێدرا , یاخود زۆر بە كەمی بەكاریان بهێنن. لە پێناو تەندروستی و سەلامەتی بۆ خۆیان و كۆرپەلەكانیان.

 

بەهیوای تەندروستی بۆ هەمووان.


زیاتر ببینه

خۆراک و نەخۆشییەکانی جومگە و ڕۆماتیزم
 به‌روار‌  : 28-10-2020

سوودە تەندروستییەکانی بستەی زەوی
 به‌روار‌  : 21-10-2020

نیشانەكانی توشبوون بە شێرپەنجەی مەمك
 به‌روار‌  : 19-10-2020

چەند داتا و زانیارییەك دەربارەی شێرپەنجەی مەمک
 به‌روار‌  : 16-10-2020

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 657,247     میوان : 30
DESIGNED AND DEVELOPED BY kodtech.net -  COPYRIGHT © 2017 - 2020 BAXSHIN  ALL RIGHT RESERVED