نیشانەكان و ماكەكانی توشبوون بە گوشاری دەروونی دوای زەبر
 به‌روار‌  : 28-06-2019
 بینراوه‌  : 514
لە تۆڕە کۆمەڵایەتیەکان شەیری بکە

 

زۆربەی ئەوكەسانەی كە دوچاری گوشاری توندی دەروونی یان جەستەی دەبن، بۆ ماوەیەكی كاتی ناتوانن لەگەڵی بگونجێن . بەڵام بە تێپەڕبوونی كات بەهۆی بەكار هێنانی چەند ڕێگەیەكی خۆ گونجاندن ، سەرئەنجام بەسەر گرفتەكەدا زاڵ دەبن. هەرچەندە هەندێ‌ كەس توانای ئەم خۆگونحاندنەیان نییە, و نیشانەكانیان بەرەو توندی دِەروات ،لەم كاتەدا بەگوشاری دەرونی دوای زەبر ناودەبرێت, وە حاڵەتەكەش  ڕەنگە پاش مانگێك یان چەند ساڵێك لە ڕوداوەكە دەربكەوێت.

لە دیارترین  نیشانەكانیش بریتین لــــــە:

1- یادی خۆ سەپێنەر:بیر هاتنەوەی ڕووداوەكە بەبێ‌ ویستی خود، كە چەند خولەكێك بۆ چەند ڕۆژێك دەخایەنێت.

2. خەوی ناخۆش بینین بە ڕوداوەكەوە.

3. توشبوون بە كێشەی بێ‌ خەوی ، خەوزڕاندن یان خەوی ناخۆش بینین.

4.خۆدورخستنەوە و گۆشەگیری.هەوڵ ئەدات بیر لە ڕوداوەكە نەكاتەوە و قسەی لەبارەوە نەكات.

5. واقی وڕدەمێنیت.( زۆركات خەیاڵی دەڕوات)

6. لە چالاكییە خۆشی بەخشەكان دوور دەكەوێتەوە.

7.بێ‌ هیوابوون بە داهاتوو.

8. كێشەی یاد كردنەوە.

9. كەم بوونەوەی توانای  سەرنجدان.

10 زۆر هەست كردن بەتاوان وپەرێشانی.

11. ڕەفتاری خۆ فەوتێنەر وەك خواردنەوەی زۆری كهول و بەكارهێنانی دەرمانی زیان بەخش.

12. بینین یان بیستنی شتێك كە لە ڕاستیدا نیە.

13. زیادەڕۆی لە بەئاگا بوون و وەڵامدانەوەی جەستەیی.

 

ئەمانە بەگشتی نیشانەكانی توشبوون بوون بە گوشاری دەروونی دوای زەبر.

كە دەكرێت گوشارەكە ژیانی كەسەكە تێك بدات، بۆ نموونە كارەكەی لەدەست بدات، پەیوەندی كۆمەڵایەتی ببچڕێنیت تەنانەت لەگەڵ كەسە نزیكەكانی خۆشیدا و تەندروستی خۆی پشتگوێ‌ بخات. و هەروەها لەدوای توشبون بە حاڵەتەكە چەندین ماك لە كەسی توشبوودا سەرهەڵدەدەن, كە دەكرێت بە دەركەوتەكانی دوای توشبوون بە حاڵەتەكە ناو ببرێن. لــــەباوترین ماكەكانیش:

 

1-خەمۆكی.

2- بەكار بردنی ماددەی هۆشبەر.

3- بەكار بردنی  كهول.

4- پەشێوی خواردن.

5-بیركردنەوە  یاخود هەولًی خۆ كوشتن.

 

توێژینەوەكان دەریان خستوە كە ئەم گوشارە ئەگەری توشبوون بە هەندێك نەخۆشی جەستەیش زیاد دەكات وەك:

 

1.  نەخۆشی دڵ .

2.  ڕۆماتیزم.

3. ئازاری دێژ خایەن.

4. نەخۆشی ڕژێنی پەریزادە.

 

 

بە هیوای دەروندروستی بۆ هەمووان.

              دكتۆر هێمن فاتح

پسپۆڕی چارەسەری دەروونی

 


زیاتر ببینه

پەتای وەرزی
 به‌روار‌  : 03-01-2020

هەڵسەنگاندنی بیر و ڕەفتاری خۆکوژی، و ڕێگاکانی خۆپاراستن
 به‌روار‌  : 10-09-2019

شیری دایک
 به‌روار‌  : 05-08-2019

چۆن پارێزگاری لە پێستمان بكەین لە وەرزی هاوین دا؟
 به‌روار‌  : 29-07-2019

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 500,084     میوان : 68
DESIGNED AND DEVELOPED BY kodtech -  COPYRIGHT © 2017 - 2020 BAXSHIN  ALL RIGHT RESERVED