هۆكارەكانی توشبوون بە شێرپەنجه‌ی مەمك
 به‌روار‌  : 16-10-2019
 بینراوه‌  : 555
لە تۆڕە کۆمەڵایەتیەکان شەیری بکە

 

 

كۆمەڵێك هۆكار هەن كە دەبنە هۆی زیادبووی مەترسی توشبوون بەم جۆرەی شێرپەنجە،

 

 

ئەوانیش بـــریــتیــــن لـــــــــە:

 

 

1. ڕەگەز:  ئاشكرایە كە ڕەگەزی مێ‌ زۆر مەترسی توشیبوونی هەیە بە شێرپەنجەی مەمك بەبەراورد بە ڕەگەزی نێر.

2. تەمەن: لەگەڵ زیاد بوونی تەمەندا , مەترسی توشبوون زیاتر دەبێت.

3. مێژووی توشبوون لە خێزاندا: ئەگەر كەسێك لە ئەندامانی خێزانێكدا توشبوو بێت , ئەوا مەترسی توشبوون لە كەسەكانی تری ئەو خێزانەدا زیاترە , بەتایبەت لە خانماندا.

4. بەركەوتنی تیشكی كیمیایی : ئەگەر كەسێك لە تەمەنی منداڵیدا , یاخود لە پێگەیشتوویدا چارەسەری بە تیشكی وەرگرتبێت , ئەوا كەترسی توشبوونی زیاترە .

5. دەستپێكردنی یەكەم سوڕی مانگانە لە تەمەنی زوودا: ئەو خانمانەی لە تەمەنێكی زۆر بچوك دا سوڕی مانگانەیان دەستی پێكردوە, واتە پێش تەمەنی 12 ساڵی , ئەوا مەترسی توشبوونیان زیاترە.

6. وەستانەوەی سوڕی مانگانە لە تەمەنێكی زۆر گەنج دا: ئەو خانمانەی لە تەمەنێكی زۆر زوو دا سوڕی مانگانەكەیان دەوەستێتەوە و كۆتای دێت , مەترسی توشبوونیان زیاترە.

7. دروستكردنی یەكەم منداڵ لەتەمەنێكی گەورەدا: ئەو خانمانەی یەكەم منداڵیان لە دوای تەمەنى (35 ) ساڵی دروست دەكەن , مەترسی توشبوونیان زیاترە.

8. قەڵەوی: زۆری كێشی لەش و قەڵەوی مەترسی توشبوون زیاتر دەكات .

9. وەرگرتنی چارەسەری هۆرمۆنی: ئەو خانمانەی چارەسەری هۆرمۆنی وەردەگرن , مەترسی توشبوونیان زیاتر دەبێت .

10. بەكارهێنانی حەبی ڕێگری كردن لە منداڵ بوون: زۆر بەكارهێنانی حەبی ڕێگری كردن لە منداڵ دروستكردن مەترسی توشبوون زیاتر دەكات.

11. بەكارهێنانی  ماددە هۆشبەرەكان:  ئەو خانمانەی ماددە هۆشبەرەكان بەكاردەهێنن , مەترسی توشبوونیان زیاترە .

 

پێویسته‌ ئاماژه‌ به‌وه‌ بده‌ین که‌ هۆكاری توشبوون بە شێرپەنجەی مەمك زۆرن , توێژینەوەكان  ئاماژە بە كاریگەری هۆرمۆنی , و شێوازی ژیان , و ژینگە , و هتدد دەكەن,  و هه‌بوونی هه‌موو یاخود هه‌ندێک له‌و هۆکارانه‌ مانای ئه‌وه‌ نییه‌ که‌ ئه‌و که‌سه‌ به‌ دڵنیایی توشی شێرپه‌نجه‌ی مه‌مک ده‌بێت، به‌ڵکو ئه‌و هۆکارانه‌ ئەگەری توشبوون زیاتر دەكەن, و پێویسته‌ له‌ کاتی بوونی هه‌ریه‌کێکیاندا گرنگی به‌ پشکنینی پێشوه‌خته‌ بدرێت بۆ دڵنیابوونه‌وه‌ی زیاتر.

 

ته‌ندرووست بن.

 


زیاتر ببینه

مانگی ووشیاری شێرپەنجەی ملی منداڵدان
 به‌روار‌  : 20-01-2020

توڕەبوون و جەڵتە
 به‌روار‌  : 16-01-2020

سودە تەندروستیەكانی برۆكلی
 به‌روار‌  : 10-01-2020

توشبوونی پەتا و بەرزە پەستانی خوێن
 به‌روار‌  : 07-01-2020

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 500,048     میوان : 40
DESIGNED AND DEVELOPED BY kodtech -  COPYRIGHT © 2017 - 2020 BAXSHIN  ALL RIGHT RESERVED