ڕێنمایی بۆ خۆپاراستن لە توشبوون بە شێرپەنجەی گەدە
 به‌روار‌  : 24-11-2019
 بینراوه‌  : 57
لە تۆڕە کۆمەڵایەتیەکان شەیری بکە

 

 

تا ئێستا هیچ شتێك نی یە كە گەرەنتی خۆپارستنی تەواو بدات لە توشبوون بەم جۆرەی شێرپەنجە, بەڵام دەكرێت بە پەیڕەوكردنی چەند ڕێنمایی یەكی گرنگ تا ڕادەیەك مەترسی توشبوون بەم شێرپەنجەیە كەمبكرێتەوە.

 

گرنگترین ئەو ڕێنمایی یانەش بریتین لـــە:

 

 

1. ئەنجامدانی پشكنین: پشكنینی پێشوەختە زۆر گرنگە بۆ خۆپاراستن لە توشبوون, بەتایبەتی پشكنین بۆ بوونی (برینی گەدە) كە پێویستە لە كاتی دڵنیا بوونەوە لە هەبوونی برینی گەدەدا بە زوترین كات چارەسەری پزیشكی وەربگیرێت , تا ڕێگە لەوە بگیرێت مەترسی توشبوون بە شێرپەنجە ڕووبدات.

2. وەرگرتنی چارەسەری پێویست لەكاتی بوونی بەكتریای (H.Pylori): وەك پێشتر ئاماژەمان پێداوە , كە بوونی ئەم بەكتریا لە گەدەدا یەكێكە لە نەخۆشی یە بڵاوەكانی گەدە كە توشی مرۆڤ دەبێت , بۆیە پێویستە بە زووترین كات چارەسەری پێویست وەربگیرێت تا نەگاتە ئەوەی ببێتە مەترسی بۆ توشبوون بە شێرپەنجەی گەدە.

3. ئەنجامدانی پشكنین بۆ نەخۆشییە بۆماوەیی یەكان: ئەگەر كەسێك لە مێژووی خێزاندا توشی شێرپەنجە بووبێت , ئەوا  پێویستە ئەندامەكانی تری ئەو خێزانە پشكنینی پزیشكی پێشوەخت ئەنجام بدەن بۆ دڵنیا بوونەوە لەوەی ئایا هەڵگری ئەو نەخۆشی یەن یاخود نا. تا بتوانرێت مەترسی توشبوون كەمتر بكرێتەوە.  

 

4. وازهێنان لە جگەرەكێشان: ئەوە ئاشكرایە كە جگەرە زیانی زۆرە بۆ تەندروست بە گشتی, وە بە مەترسی دادەنرێت بۆ توشبوون بە شێرپەنجەی گەدە , بۆیە پێویستە وازلە جگەرەكێشان بهێنرێت لە پێناو كەمكردنەوەی مەترسی توشبوون بە شێرپەنجە.

 

5. ڕاگرتنی هاوسەنگی كێشی لەش: زیادبوونی كێشی لەش و قەڵەوی مەترسی توشبوون بە شێرپەنجەی گەدە زیاد دەكات ,بۆیە پێویستە لە پێناو تەندروستیتدا ئاگاداری كێشی لەشت بیت.

7. ئەنجامدانی جوڵەی وەرزشی: چالاكی و جوڵەیی جەستەیی زۆر گرنگن بۆ پاراستنی تەندروستی بەگشتی و مەترسی توشبوون بە شێرپەنجەش كەمتر دەكەنەوە. بۆیە پێویستە ڕۆژانە لانی كەم نیو كاتژمێر جوڵەی وەرزشی ئاسان ئەنجام بدرێت وەك بە پێ‌ ڕۆیشتن.

6. . هەڵبژاردنی خۆراكی تەندروست: خۆراك زۆر گرنگە بۆ خۆپاراستن لە زووربەی حاڵەت و نەخۆشیەكان بەگشتی و بۆ نەخۆشیەكانی گەدە بەتایبەتی , چونكە پەیوەندی یەكی ڕاستەوخۆ هەیە لە نێوان خۆراك و گەدەدا, و هەموو خواردن و خواردنەوەیەكی خراپ پێش هەموو شتێك زیان بە گەدە دەگەیەنن. بۆیە پێویستە بە ووریایی یەوە خۆراك بخورێت و خۆ بەدور بگیرێت لەوانەی مەترسی بۆ گەدە دروست دەكەن .بە گوێرەی توێژینەوەكان هەمیشە خۆراكە ڕووەكی یەكان بە سوودترن و مەترسی  توشبوون بە شێرپەنجە كەمتر دەكەنەوە.

بۆیەش پێویستە:

  • خۆراكی سوێر و چەور كەمتر بكرێتەوە، یان وازی لێبهێنرێت.
  • كەمكردنەوە ، یاخود وازهێنان لە بەكارهێنانی گۆشتی سور.
  • خۆراكی سەوزە و میوە زیاتر بەكار بهێنرێت.

 

 

تەندروست بن.

 


زیاتر ببینه

جۆرەكانی پەستانی بەرزى خوێن و نیشانه‌کانی
 به‌روار‌  : 04-12-2019

رۆژی جیهانی خاوەن پێداویستی تایبەت
 به‌روار‌  : 03-12-2019

نیشانەكانی توشبوون بە ئایدز
 به‌روار‌  : 02-12-2019

ڕێنمایی بۆ خۆپاراستن لە شێرپەنجەی پەنكریاس
 به‌روار‌  : 28-11-2019

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 468,374     میوان : 44
DESIGNED AND DEVELOPED BY kodtech -  COPYRIGHT © 2017 - 2019 BAXSHIN  ALL RIGHT RESERVED