رۆژی جیهانی دەرووندروستی باوک
 به‌روار‌  : 22-06-2020
 بینراوه‌  : 312
لە تۆڕە کۆمەڵایەتیەکان شەیری بکە

 

 

 

 

ئەمڕۆ ٢٢ ی حوزەیران بە   رۆژی جیهانی دەرووندروستی باوک  دانراوە ، رۆژێک دوای رۆژی جیهانی باووک دانرا بە رۆژی جیهانی دەرووندروستی باوک بۆ زیاتر ڕاکێشانی سەرنجی مێدیاکانی جیهان و خەڵکی بەگشتی بۆ تێگەیشتن لەو حاڵەتە دەروونیانەی دوچاری باوکان دەبنەوە. بەتایبەت باوکانی کەم تەمەن.، یاخود لەیەکەم جاری بوون بە باوکدا.

 توێژینەوەکان باس لەوە دەکەن کە ڕێژەی ٪ ١٠ ی باوکان توشی خەمۆکی باوکان دەبنەوە، بەڵام نایانەوێت  با س لە گرفتە دەروونیەکانیان بکەن، یاخود ناتوانن باسی لێوە بکەن، چونکە بەگشتی و لە زووربەی کلتوورەکانی جیهاندا پیاوان بەوە ناسراون کە بەهێزن و باسکردن لە کێشە و گرفتەکانیان ، لە کەسێتی و پیاوەتیان کەم دەکاتەوەو و بە لاواز دەکەونە بەرچاو، بەتایبەت گەر بێتوو باسی گرفتە دەروونیەکانیان بکەن.

بەڵام لە ڕاستیدا وانیە، و پیاوانیش مرۆڤن و هەموو مرۆڤێکیش ئەگەری توشبوونی بە گرفت و کێشەی دەروونی هەیە و پێویستی بە پاڵپشتی و پشتیوانی ئەندامانی خێزان و کەس و هاوڕێکانی هەیە ، تا بەسەر گرفتەکانیدا زاڵ ببێت.

بۆیە پێویستە پیاوان ووشیار تر بن و ئەو ڕاستیە قبوڵ بکەن کە دوچاری گرفتی دەروونی دەبن وهەرەوەها زۆر ئاساییە داوای هاوکاری بکەن و ڕاوێژ بکەن و بۆ چارەسەر بگەڕێن، بەگشتی و بەتایبەتیش بۆ چارەسەری ئەو حاڵەتەی بە خەمۆکی باوکایەتی ناسراوە و باوکان ڕووبەڕووی دەبنەوە.

هەروەها لەسەر خانمان پێویستە لەو گرفتە دەروونییانەی هاوسەرەکانیان تێبگەن و هاوکار و پشتیوانیان بن بۆ زاڵبوون بەسەر   کێشە دەرونیاکانیاندا، تا خێزانێکی تەندروست و ئاسوودەیان هەبێت.

 

 

 

بەهیوای دەرووندروستی بۆ گشت باوکان .


زیاتر ببینه

گرنگی شیردانی سروشتی بۆ خانمی شیردەر
 به‌روار‌  : 06-08-2020

سودى شيرى سروشتى بۆ مناڵ
 به‌روار‌  : 05-08-2020

ئامانجە گشتیەكانی هەڵمەتی جیهانی شیردانی سروشتی
 به‌روار‌  : 04-08-2020

هەفتەی جیهانی شیردانی سروشتی
 به‌روار‌  : 03-08-2020

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 618,002     میوان : 89
DESIGNED AND DEVELOPED BY kodtech.net -  COPYRIGHT © 2017 - 2020 BAXSHIN  ALL RIGHT RESERVED