مانگی هوشیاری شێرپەنجەی گەدە
 به‌روار‌  : 23-11-2020
 بینراوه‌  : 67
لە تۆڕە کۆمەڵایەتیەکان شەیری بکە

 

 

 

ئەم مانگە تەرخانكراوە بۆ یەكێكی تر لە جۆرەكانی شێرپەنجە ، ئەویش شێرپەنجەی گەدەیە. ئامانج لە دەستنیشانكردنی مانگێك بۆ شێرپەنجەی گەدە بریتیە لـــــە:

1. زیادكردنی هوشیاری سەبارەت بەم جۆرەی شێرپەنجە، و هۆكارە مەترسیدارەكان بۆ توشبوون ، و چۆنێتی ڕێگری كردن لە توشبوون ، و دەستنیشانكردن پێشوەختە.

2. هاندانی زیاتری خەڵكی بۆ زیاتر وشیاربوونەوە سەبارەت بەم نەخۆشییە.

3. پێشكەشكردنی ڕێنمایی پێویست سەبارەت بەم جۆرەی شێرپەنجە لە لایەن ڕێكخراو ناوەندە تەندروستییەكانەوە.

4. هاندانی ئەندامانی خێزان و هاوڕێیان بۆ هاوكاری كردنی توشبووی شێڕپەنجەی گەدە.

5. پشتگیری كردنی ئەنجامدانی توێژینەوەی زانستی زیاتر سەبارەت بەم جۆرەی شێرپەنجە.

 

ئێمەش وەك پەیج و ماڵپەڕی بەخشین چەند زانیاری و ڕێنماییەك دەربارەی ئەم شێرپەنجەیە پێشكەشی خوێنەرانمان دەكەین.

 

سەرەتا و بۆ تێگەیشتن لە شێرپەنجەی گەدە , پێویستە بزانین گەدە چی یە , و لە و چۆنێتی كاركردنی تێبگەین.


گەدە: یەكێكە لە ئەندامە سەرەكی یەكانی كۆئەندامی هەرس لە مرۆڤ و شیردەرەكاندا, كە دەكەوێتە بەشی سەرەوەی سك لەژێر پەراسوەكاندایە لەمرۆڤدا.


چۆنێتی كاركردنی گەدە:

خۆراك دوای ئەوەی  لە دەم دا دەجورێت و قوتدەدرێت, لەڕێگەی سورێنچكەوە دەڕوات بۆ گەدە.
گەدە لەشێوەی تورەكەیەك یاخود كیسێك دایە و خۆراك لە ناویدا كۆدەكرێتەوە , و لەوێدا  یەكەم هەنگاوی هەرسكردن دەست پێدەكات بە ڕژاندنی ترشەڵۆكی گەدە بەسەر خۆراكەكاندا
دواتر خۆراكەكان و ترشەڵۆكی گەدە تێكەڵ بەیەك دەبن و دەگوێزرێنەوە بۆ سەرەتای ڕیخۆڵە كەپێی دەوترێت (دوانزەگرێ‌).

 

شێرپەنجەی گەدە . بە زۆری لە ڕووپۆشی ناوەوەی گەدەدا ڕوودەدات, بەهێواشی گەشەدەكات و چەند ساڵێك دەخایانێت پێش دەركەوتنی شێرپەنجەكە بەتەواوی زۆر بەكەمی نیشانەكانی لە سەرەتادا دەردەكەون , بۆیەش ئەم شێرپەنجە لەسەرەتادا  بە ئاسانی پێی نازانرێت.


شێرپەنجەی گەدە كە دەست پێدەكات لەبەشە جیاوازەكانی گەدەدا لەوانەیە نیشانە و دەركەوتەكانی جیاواز بن بە پێی شوێنی شێرپەنجەكە لە گەدەدا.

 

 

لە بابەتەكانی داهاتوودا زانیاری زیاتر لەسەر ئەم شێرپەنجەیە پێشكەش دەكەین.

 

هیوادارین هەمیشە تەندروست بن.

 

 


زیاتر ببینه

کەی پێویستە سەردانی پزیشک بکرێت بۆ چارەسەری پەتای وەرزی
 به‌روار‌  : 10-01-2021

پەتای وەرزی
 به‌روار‌  : 05-01-2021

چەند زنجیرە بابەتیك سەبارەت بە ڤایتامینەکان و کانزاکان
 به‌روار‌  : 25-12-2020

نیشانەكانی توشبوون بە شێرپەنجەی گەدە
 به‌روار‌  : 10-12-2020

سه‌ره‌تا  |  کارمەندى نموونەیی  |  ده‌رباره‌  |  په‌یوه‌ندی
ژماره‌ی سه‌ردان : 686,510     میوان : 45
DESIGNED AND DEVELOPED BY kodtech.net -  COPYRIGHT © 2017 - 2021 BAXSHIN  ALL RIGHT RESERVED